在職場上經常擔心與同事關係差，曾收到一位朋友 PM，糾結於公司同事間相處問題。內向的同事難以「埋堆」：「同事喜歡在午飯時叫外送 pizza，我因為健康考慮，所以從不加入。不知因為這樣，他們在公司 tea time、吃零食，甚至放工去 happy hour 都不再預我。」 職場人際關係真的如此複雜嗎？存在感真的如此很重要？同事關係又要如何改善。
同事關係差就要「埋堆」？
與同事關係差，自然想起要「埋堆」。「埋堆」在職場上是一件 tricky 的事，太「個人」又怕不良人際關係影響仕途，太 nice 太易話為，又怕被 label 別有用心，再加上若果自問不是一個好 sociable 的人，該如何定位？
改善同事關係：尋找合適的埋堆方法
以朋友 A 的問題為例，當眾人一齊 WeWe 嘩嘩喫 pizza，你卻懶健康的不加入，同事不喜歡也可以理解。遇上這類同事相處的狀況，你首要做的是避免同事誤會你扮高端、不合群。以 pizza lunch 為例，除了禮貌地婉拒外，你可以自備飯盒一齊吃，一齊傾，而非坐埋一邊。
改善同事關係：嘗試做搞手
當其他同事提議的活動你通常都不感興趣，不妨偶爾主動做搞手改善同事關係。要注意的是活動要你自己同普遍同事都想參與，否則又會做成反效果，以免被誤會扮高端!